PIUJUARTITSINEQ
PIUJUARTITSINEQ
IQC-p atisaliai nunatsinni pinngortitaq kusanarluinnartoq allanngorarsinnaaqisorlu isumassarsiorfigalugu sananeqartarput, tamanillu atorneqarsinnaanissaat pinngortitamiinnermilu iluartuunissaat tulluartuunissaallu pingaartinneqarluni.
IQC-p suleqatigisartakkatik peqatigalugit atisat pitsaassuseqarluartut atoruminartullu ilusilersorlugillu, nunatsinni pinngortitaq eqqarsaatigalugulu ataqqingaarlugu, sanasarpaat.
SAVE OUR ARCTIC:
2019-imi IQC-p ’’SAVE OUR ARCTIC’’ qulequtaralugu tujuuluaraliai saqqummeqqaarput aamma: ’’INUIT PINNGORTITAMUT PINNGORTITAQ INUNNUT’’
Atisaliat taamak qulequtserneqarnerisigut IQC nunatsinni pinngortitap piujuartinneqarnissaanut pingaartitsinermik ersarissaaqataarusuppoq. Taamak oqariartuutinik imalinnik atisaliornikkut inuit pinngortitarlu ataatsimoortinneqarnerisigut, IQC pinngortitamik misigisaqartitsinermut peqataasinnaanini kissaatigalugu, nunatsinni silap pissusiata allangoriartornera pinngortitamullu qanoq sunniuteqarsinnaanera ilisimaneqarnerulernissaanut suleqataarusuppoq. IQC-p neriuutigaa silap pissusiata allanngoriartorneranik ilisimaarinninnerulersitsisunik pinngortitami misigisaqarnernut periarfissiisinnaalluni, pisiniartartunullu silap pissusiata allanngoriartorneranut annikillisaanissamut iliuuseqarnissamut kaammattuerusulluni.
INUIT tujuuluaqqat annoraassiassaq OEKO-TEX atorlugu sanaat:
IQC-miit tujuuluaqqat annoraassiassaq OEKO-TEX atorlugu sanaat 2019-imi saqqummerput. Piujuartitsinermik avatangiisinullu mianerinninnermik kiisalu Issittumi nunarsuarmilu silap pissusiata allanngoriartorneranik kigaallaatsitsinissamik imaluunniit pinaveersaartitserusunnermik takutitsisoq.
OEKO-TEX annoraaminiuvoq toqunartulinnik ulorianartunik akuutissartaqanngitsoq.
Tujuuluaqqat saqqummersitat OEKO-TEX aamma ”SAVE OUR ARCTIC”, IQC-p avatangiisinut Issittumullu aamma nunarsuarmik mianerinninnermut peqataarusussusermik takutitserusunneranik aallaaveqarpoq.
– ’’all life on earth depends on us’’
(nunarsuarmi uumassusillit tamarmik tunaartaraatigut)
Aningaasaateqarfik SAVE OUR ARCTIC
Peqatigiiffinnut najukkamiittunut, nunatsinni pinngortitamik mianerinnittunut, ilaatigut avatangiisit pillugit suliniuteqartartunut, SAVE OUR ARCTIC-imeersunik pisisoqarnerit tamaasa 5koruunimik tunniussaqartassaagut.
Maannamut katersorsimasagut: 0DKK
IQC-p siunissami sanatitassanut pilersaarutai:
IQC-p siunissami sanatitsinermi avatangiisinut akisussaassuseqarnissaq soqutigisarilluinnarpaa. Taamaammat annoraamernit pinngortitamut silaannaallu pissusianut akornutaanngitsut atorlugit suleriuseqartuniit tujuuluaraliortitsinissaq pilersaarutaavoq. Annoraamernit piujuartitsisinnaasuniit suliarineqarnerat, pinngortitamik najugaqartunillu mingutsitsinnginnerpaanissamik pingaartitsisut, silaannaap pissusianik kiisalu sumiiffimmi najugalinnut, sunniutinik maluginninnerpaasussanut, sunniinissaq annikitsumiisippaat.
IQC-p suleqatigisartagassanik aalajangiinnginnermi suliffeqarfimmi meeqqanik sulisitsinermut, peqqissutsimut sillimaniarnermullu inatsisit nunani tamalaani atuuttut ataqqineqarnissaat pingaartitaraa.
Taamaalillunilu IQC, silaannaap allanngoriartoranera nunarsuarmi unammilligassaasoq, iliuuseqarfiginissaanut akisussaaffimmik tiguseqataavoq. IQC-p siunissami avatangiisinut akisussaassuseqartumik sulinissaq anguniagaralugu, nunatsinni pinngortitamut allanngorarsinnaaqisumut, iluartunik silamullu tulluuttunik atisassaqartitsilluni, atisaliorneq ingerlateqqissavaa.