Uagut pilluta
Kikkuuvugut
Kalaaliuvugut arnat niuertut marluk Kalaallit Nunaanni najugaqarluta, Hanne Kristiansen aamma Dorthea Rødgaard, 2012-imilu INUIT Quality Clothes of Greenland pilersillutigu.
Atisaliagut siulliit 2013-mi inuiaqatigiinnit tigulluarneqaqisut saqqummerseqqaarpagut.
Atisaliagut silap allanngoriartorneranut silattalu sorraassinnaaneranut pinngortitamullu kusanarluinnartumut tulluarsagaapput minnerunngitsumillu siammasissumik tulluussagaallutik.
Kavaajaliatta saqqummeqqaarnissaat sioqqutilaarlugu meqqi ilisaritinniarlugu tujuuluaqqanut logo naqitertipparputtigulluarneqaqisumik, nuannarineqarluarmatalu suli massakkumut tujuuluaqqat naqitertittarpagut.
2013-imi Nuummi pisiniarfimmik ammaavugut, atisaliatsinnik siammartiteriviutigisumik.
Atisaliat suleqatigiiulluta ilusilersortarpagut. Aallaqqaammulli atisat nunatsinnut tulluarsagaanissaat, ukiumi issileruttornerani kissasimaartitsisinnaanissaat oqorsarluarsimagaluarlutalu aalasinnaalluarfeqarnissarput pingaartitaraarput.
Nutaaliatut pinngortitamik eriaginninissaq eqqarsaatigalutigu tujuuluaqqanik naqitsitsinikuuvugut taaguuserlugit: “SAVE OUR ARCTIC” aamma “INUIT PINNGORTITAMUT PINNGORTITAQ INUNNUT”, taamaaliornikkut nunarsuarmioqatitsinnut eqqaasitserusulluta pinngortitatta eriagisariaqarnerata pingaaruteqarneranik.